Бепул вебинар: «Текширувлар ва уларни ЯДН тизимида рўйхатга олиш тартиби тўғрисида нималарни билиш зарур»

Агар солиқчилар сизга сайёр солиқ текшируви ёки солиқ аудити билан келсалар, улар текширувларни рўйхатга олиш Китобига ўз хатти-ҳаракатлари тўғрисида ёзувлар киритишлари лозим.

Солиқ текширувлари бизнес-омбудсманни хабардор қилган ҳолда Текширувларни электрон рўйхатга олиш ягона тизими орқали ўтказилади. Унга шунингдек текширув натижалари ҳам киритилади. Давлат рўйхатидан ўтмаган ҳолда тадбиркорлик фаолиятини юритувчи жисмоний шахслар ва ва камерал текширувлар бундан мустасно. Текширувнинг Ягона тизимдаги тартиб рақами сайёр текширув ёки солиқ аудити ўтказиш тўғрисидаги буйруқда кўрсатилган бўлиши керак.

Текширувлар тўғрисида нималарни билиш муҳим, бизнес-омбудсманнинг сизга қандай ёрдами тегиши мумкин ва унга қандай қилиб тўғри мурожаат қилиш лозим, буларни сиз « Текширувлар ва уларни ЯДН тизимида рўйхатга олиш тартиби тўғрисида нималарни билиш зарур» вебинарида билиб оласиз.

Вебинарда биз қуйидагиларни батафсил кўриб чиқамиз ва ўрганамиз:

• қандай мезонлар асосида тадбиркорлик субъектларида текширув ўтказиш бошланиши мумкин;
• текширувчи шахслар текширув бошланишидан аввал қандай ҳужжатларни тақдим этишлари ва нималарни тушунтиришлари лозим;
• қандай текширувлар ноқонуний ҳисобланади ва нималар текширув ўтказиш тартибини бузиш деб ҳисобланади;
• қайси ваколатли орган текширувларни мувофиқлаштиради ва зарурат бўлган тақдирда унга қандай мурожаат қилиш мумкин;
• Ягона давлат назорати тизими қандай ишлайди ва унда ўзининг шахсий кабинетини қандай қилиб яратиш керак;
• текширувларни рўйхатга олиш ягона тизимидан қандай маълумотларни олиш мумкин;
• ўтказилган текширувни қандай қилиб баҳолаш мумкин ва бошқа муҳим саволлар.